माथिल्लो मुस्ताङमा यो वर्षकै पहिलो हिमपात (फोटो फिचर)
फोटो : पेमा गुरुङ
काठमाडौँ – माथिल्लो मुस्ताङमा आज बिहानैदेखि हिउँ पर्न थालेकोछ । जिल्लाको लोमान्थाङ गाउँपालिकामा यो वर्षकै पहिलो पटक हिउँ परेको स्थानीय पेमा गुरुङले इकागजलाई जानकारी दिइन् । हिमपात भएसँगै माथिल्लो मुस्ताङमा चिसो बढेको छ । जनजीवन पनि प्रभावित भएको छ । डाँडाहरूमा बाक्लो हिउँ जमेको छ ।
खासगरी लोमान्थाङका स्थानीयले चौँरी, च्यांग्रा आदीको गोठ राखेको क्षेत्र (लोमान्थाङ गाउँभन्दा केही पर)मा बाक्लो हिउँ परेको छ । यसवर्ष छिटै हिउँ परेकोले स्थानीयले गोठहरु गाउँभन्दा तलको क्षेत्रमा सार्न नभ्याएको पेमाको भनाइ छ । हिउँदयाममा माथिल्लो मुस्ताङका स्थानीयहरू भने चिसो छल्न पोखरा, काठमाडौँलगायतका ठाउँमा झर्छन् । केहीले भने घुम्ति व्यापारसमेत गर्छन् र फागुनमा गाउँ फिर्ता हुन्छन् ।
सबै फोटोहरू पेमा गुरुङ
