काठमाडौँ : प्रतिनिधिसभा विघटनको विरोधमा नागरिक समाजले राजधानीमा शान्तिपूर्ण प्रदर्शन गरेको छ । शनिबार काठमाडौंको माइतीघरमा विभिन्न क्षेत्रका व्यक्तिहरुको सहभागितामा प्रतिनिधि सभा विघटनको विरोधमा विरोध प्रदर्शन गरिएको हो ।

प्रतिनिधिसभा विघटनविरुद्ध अहिंसात्मक नागरिक प्रदर्शन भन्दै गरिएको विरोधमा डा गोविन्द केसी, चर्चित पूर्वप्रहरी डीआईजी रमेश खरेललगायतका व्यक्तिहरु सहभागी भएका थिए । प्रदर्शनमा सहभागीहरूले ‘प्रतिनिधि सभा मार्न पाइँदैन, निर‌ंकुश सरकार चाहिँदैन,नागरिक अघि बढ्दैछ, सर्वसत्तावाद ढल्दैछ, संवैधानिक सर्वोच्चता कायम गर, कानुनविरुद्धको षड्यन्त्र बन्द गर’ लगायत नाराअंकित प्ले कार्ड बोकेर सरकारको विरोध गरेका थिए ।