‘कमेडी च्याम्पियन’ सिजन ३ को फिनाले शनिबार हुँदै
![](https://ekagajcdn.prixacdn.net/media/albums/comedy_champion_iS7kIZnh7X.jpg)
काठमाडौँ- रियालिटी शो ‘कमेडी च्याम्पियन’ सिजन ३ को ग्राण्ड फिनाले शनिबार हुने भएको छ । शनिबार अपराह्न ४ बजेदेखि मूलपानीस्थित आफ्नै स्टुडियोमा फिनाले हुने भएको हो ।
फिनालेमा उत्कृष्ट ३ फाइनलिस्ट मध्येबाट एक जना विजेता घोषणा गरिनेछ । काठमाडौँका सुनिल खड्का, नवलपुरकी सुयशा खनाल र सुनसरीका ऋषभ काफ्ले च्याम्पियनको फाइनल प्रतिस्पर्धामा छन् । यीमध्ये सुयशा कमेडी च्याम्पियनको फिनालेसम्म पुग्ने अहिलेसम्मकै कान्छी प्रतिस्पर्धी हुन् ।
कमेडी च्याम्पियनुमा सन्तोष पन्त, मनोज गजुरेल, प्रदीप भट्टराई र ऋचा शर्मा निर्णायक छन् ।
शनिबार बेलुका ७ः३० बजेसम्मका लागि भोट खुला गरिएको छ । फाइनलिस्टहरू यति बेला भोटिङ क्याम्पियनमा व्यस्त छन् । फिनालेलाई कान्तिपुर टेलिभिजन र ओएसआर रियालिटीमार्फत लाइभ प्रसारण गरिनेछ ।
यो पटक विजेतालाई यसअघिको सिजनमा भन्दा महंगो मूल्यको 'नेटा भी' कार प्रदान गर्न लागिएको बताइएको छ ।
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया