एशियन पेन्ट्सले काठमाडौँमा सुरु गर्यो अल्ट्रा लक्जरी होम डेकोर शोरुम

काठमाडौँ– नेपालकै सबैभन्दा ठूलो पेन्ट तथा डेकोर कम्पनी एशियन पेन्ट्स नेपालले गठ्ठाघर, काठमाडौँमा रहेको अपूर्व इन्टरनेशनल प्रालिमा आफ्नो मल्टी क्याटेगाेरी  डेकोर शोरुम ‘ब्युटिफुल होम्स बुटिक’ सञ्चालनमा ल्याएको छ ।

‘एशियन पेन्ट्सको ब्युटिफुल होम्स बुटिक’ ग्राहकहरूलाई अत्याधुनिक प्राविधिकीय एकीकरणका साथ उत्कृष्ट किनमेलको अनुभव प्रदान गर्न तयार रहेको छ, जुन प्रविधिले ग्राहकहरूलाई उनीहरूको सपनाको घर निर्माण गर्न डिजाइन, परामर्श र कार्यान्वयनको बारेमा विस्तृत अनुभव प्रदान गर्नेछ ।

---

यो स्टोरको उद्घाटन एशियन पेन्ट्स लि.का प्रबन्ध निर्देशक तथा सिइओ अमित सिंगलले गरेका थिए ।

१६०० वर्ग फिटमा फैलिएको यो नवीन ‘एशियन पेन्ट्सको ब्युटिफुल होम्स बुटिक’ नेपाली ग्राहकहरूका लागि आवश्यक पर्ने सम्पूर्ण डेकोरहरू एकै ठाउँमा उपलब्ध भएको शोरुम हो ।

यो शोरुममा फेब्रिक्स र वाल पेपरहरूदेखि सर्वश्रेष्ठ इन्जिनियरिङ्गका बाथरुम फिटिङहरू र स्यानेटरी सामग्रीहरू, नवीनतम् पेन्ट र वाटरप्रुफिङ उत्पादनहरू, एवं अग्रगामी प्रविधिहरूको व्यवस्थापन छ जसबाट ग्राहकहरूले यी प्रोडक्टहरूको अनुभव लिन सक्नेछन् ।

उद्‍घाटन समारोहमा आफ्नो मन्तव्य राख्दै अमित सिंगलले भने,  'नेपाल तीव्र गतिमा बढ्दो बजार हो, जहाँ ग्राहकहरूले लक्जरी होम डेकोर उत्पादनहरू, विधिहरू र प्रोत्साहन खोजिरहेका छन् र ग्राहकहरूको यो बढ्दो चाहनालाई सम्बोधन गर्न हामीले ग्राहकहरूको भावना र तिनको घरहरूसंगको गहिरो सम्बन्धलाई सम्मान गर्दै एउटै छानामुनि सबै प्रकारका होम डेकोर सामानहरू उपलब्ध गराउने चेष्टा गरेका छौं ।'