आईजिपी विवाद : अन्तिम फैसला आजै आउन सक्‍ने

काठमाडौँ- नेपाल प्रहरीको आईजिपी विवाद मुद्दामा आज जवाफी बहस हुँदैछ । आज रिट निवेदकका तर्फबाट जवाफी बहस हुन लागेको हो । निवेदकतर्फका कानुन व्यवसायीले जवाफ दिएपछि आजै नै फैसला आउन सक्नेछ ।

का.मु. प्रधानन्यायाधीश दीपककुमार कार्की र न्यायाधीश कुमार चुडालको इजलासमा मुद्दाको अन्तिम सुनुवाइ भइरहेको छ । केही हप्तादेखि आईजीपी विवादको रिटमाथि सर्वोच्चमा निरन्तर सुनुवाइ जारी छ । कामु प्रधानन्यायाधीश नेतृत्वको इजलासमा यो मुद्दा पाँचौँ पटक सुनुवाइ हुन लागेको हो ।

---

आफूलाई प्रहरी महानिरीक्षक बढुवा नगर्ने निर्णय गैरकानूनी भएको दाबी गर्दै एआईजी विश्वराज पोखरेलले सर्वोच्चमा रिट दायर गरेका थिए । पोखरेलतर्फबाट बहस गरेका कानुन व्यवसायी ललित बस्‍नेतले इकागजसँग भने 'आज जवाफी बहस सकिन्‍छ । सम्भवत आज फैसला आउन सक्‍छ ।'

सरकारले धिरजप्रताप सिंहलाई प्रहरी प्रमुख बनाएको थियो ।