हनिट्रयाप मुद्दामा फसेकी भैंसेपाटीकी इन्स्पेक्टर अदालतमा उपस्थित

काठमाडौं - हालसम्म फरार रहँदै आएकी निलम्बित प्रहरी निरीक्षक बिनु शाही अदालतमा उपस्थित भएकी छन् ।

 यसअघि फरार रहँदै आएकी शाही आइतबार ललितपुर जिल्ला अदालतमा उपस्थित भएकी हुन् । 

---

ललितपुर, भैँसेपाटीमा घरजग्गा कारोबारीलाई हनिट्रयापमा पारेर २० लाख रुपैयाँ असुलेको घटनामा उनी मुछिएकी थिइन । सो रहस्य खुलेपछि शाहीलाई प्रतिवादी कायम गरेर प्रहरीको केन्द्रीय अनुसन्धान ब्यूरोले मुद्दा दायर गरेको थियो ।

घरजग्गा कारोबारीलाई  ‘बलात्कार मुद्दामा फसाउँछौँ’ भन्दै हनिट्रयापमा पारेर रकम असुलेको आरोपमा भैँसेपाटी प्रभागमा कार्यरत सहायक हवल्दार महेन्द्र हमाल, सुस्मा बिक र इटहरी घर भएका ताज मूल इस्लाम र भिमादेवी थापा भने यसअघि नै पक्राउ परिसकेका छन् ।