प्रतिनिधि सभा विघटनविरुध्द सर्वोच्चमा तीन निवेदन

काठमाडौँ : सर्वोच्च अदालतमा सरकारको प्रतिनिधि सभा विघटन गर्ने सिफारिस र राष्ट्रपतिको अनुमोदनविरुध्द तीनवटा निवेदन पेस भएका छन् । सर्वोच्च प्रशासनले आइतबार परेका निवेदन सोमबारमात्रै दर्ता गर्ने तयारी गरेको छ । 

सर्वोच्च प्रशासनका अनुसार अधिवक्ता कञ्‍चननकृष्ण न्यौपानेको पहिलो, अधिवक्ताद्वय लोकेन्द्र ओली र केशरजंग केसीको दोस्रो र अधिवक्ताद्वय समृत खरेल र सुलभ खरेलको तेस्रो निवेदन परेका छन् ।
 
तीन वटै निवेदनमा प्रधानमन्त्री केपी शर्मा ओलीले गरेको प्रतिनिधि सभा विघटनको सिफारिस र राष्ट्रपति विद्यादेवी भण्डारीले गरेको अनुमोदन संविधान विपरित भएको जिकिर गर्दै बदर गर्न माग गरिएको छ । 

---

यो संवेदनशील र अत्यन्तै महत्वपूर्ण विषय भएकाले तत्काल प्रारम्भिक सुनुवाइ गरेर कार्यान्वयन नगर्नका लागि अन्तरिम आदेशको माग पनि निवेदनमा गरिएको छ ।