राणा शासनको 'प्युसो'लाई हटाएरै छाड्छौंः वरिष्ठ अधिवक्ता भण्डारी

काठमाडौँ - वरिष्ठ अधिवक्ता एकराज भण्डारीले राणा शासनको प्युसोलाई हटाएरै छाड्ने बताएका छन् । आज सर्वोच्च परिसर भित्र भएको कानुन व्यवसायीहरुको आन्दोलनलाई सम्बोधन गर्दै भण्डारीले यस्तो बताएका हुन् । 

उनले सत्तामा रहेका राणाहरुलाई नेपाली जनताले उहिल्यै फालेको बताउँदै सर्वोच्च अदालतमा भएको प्युसोलाई पनि जसरी पनि फालि छाड्ने बताए । 'सत्तामा भएका राणाहरुलाई नेपाली जनताले उहिल्यै हटाए हामी पनि हटाउँछौं', उनले भने । 

---

दलहरुले राणालाई हटाउने वातावरण बनाएनन् भने पाँच दललाई पनि सरकारबाट हटाउने भण्डारीले चेतावनी दिए । सर्वोच्च अदालतका प्रधानन्यायाधीश चोलेन्द्र शमशेर जबराको राजीनामा माग्दै लामो समयदेखि बार एसोसिएसन र न्यायाधीशहरू आन्दोलनरत छन् ।