एमालेले कारबाही गरेका १४ सांसदको पेशी प्रधानन्यायाधीशको इजलासमा थिएन, कसले चलायो हल्ला ?

काठमाडौँ– प्रधानन्यायाधीश चोलेन्द्र शमशेर राणाविरुद्ध संसदमा ९८ सांसदले हस्ताक्षर गरी महाअभियोग प्रस्ताव दर्ता गराएपछि अचानक सनसनी फैलियो । नेकपा एमालेका १४ सांसदलाई कारबाहीको मुद्दाको पेशी प्रधानन्यायाधीश राणाको इजलासमा रहेका कारण अनपेक्षित फैसलाको डरले सत्ता गठबन्धनले महाअभियोग प्रस्ताव दर्ता गरायो । 

यद्यपि, यो मुद्दाको पेशी न्यायाधीशद्वय ईश्वर खतिवडा र कुमार रेग्मीको इजलासमा रहेको थियो । मुद्दाको पेशी तोक्ने काममा गोलाप्रथा अबलम्बन गरिएपछि प्रधानन्यायाधीश राणाको अदालतमा कुनै भूमिका थिएन । उनले काम गर्न छाडेको तीन महिनाभन्दा धेरै भैसकेका थियो । 

---

महाअभियोग दर्तापछि कानुन, न्याय तथा संसदीय मामिला मन्त्री दिलेन्द्रप्रसाद बडूले प्रधानन्यायाधीशले अदालतको समस्या समाधान गर्न नसकेकाले महाअभियोगको निर्णयमा पुगेको बताएका छन् ।