न्याय सेवामा प्रवेशको ४१ वर्षपछि कामू प्रधान्यायाधीश

काठमाडौं - सर्वाेच्च अदालतका प्रधानन्यायाधीश चोलेन्द्र शमशेर राणाविरुद्ध महाभियोग प्रस्ताव दर्ता भएसँगै बरिष्ठ न्यायाधीश दीपककुमार कार्की कायममुकायम प्रधानन्यायाधीश बनेका छन् ।

‘उहाँले आजैबाट कामु प्रधानन्यायाधीशको रुपमा काम शुरु गरिसक्नुभयो’ सर्वाेच्च अदालतका प्रवक्ता बाबुराम दाहालले इकागजसँग भने, ‘संविधानतः उहाँले जिम्मेवारी निर्वाह गर्नुभएको हो ।’

---

प्रधानन्यायाधीश राणाविरुद्ध आइतबार महाभियोग प्रस्ताव दर्ता भएको जानकारी संसद् सचिवालयले पठाएको थियो । दाहालका अनुसार, ‘पत्र पाएसँगै राणा अदालतबाट बाहिरिनुभयो र त्यसपछि कामु प्रधानन्यायाधीश कार्कीले काम शुरु गर्नुभएको हो ।’

४१ वर्षअघि न्याय सेवामा प्रवेश गरेका कार्की लामो समय जिल्ला न्यायाधीश, पुनरावेदन न्यायाधीश, पुनरावेदन अदालतको मुख्य न्यायाधीश हुँदै छ वर्षअघि सर्वाेच्च अदालतको न्यायाधीश बनेका थिए ।