प्रतिनिधिसभा विघटनका विषयमा संविधानसभामा भएका बहसका रेकर्ड झिकाउन माग

काठमाडौं : वरिष्ठ अधिवक्ता दिनेश त्रिपाठीले प्रतिनिधिसभा विघटनका विषयमा संविधानसभामा भएका बहसका रेकर्ड झिकाउन माग गरेका छन् । आइतबारको संवैधानिक इजलासमा उनले संविधानसभामा संविधान बनाउँदा यो विषयमा बृहत् छलफल भएको भन्दै रेकर्ड झिकाउन माग गरेका हुन् ।

संविधान निर्माण ताका संविधान सभामा प्रधानमन्त्रीलाई प्रतिनिधि सभा विघटन गर्ने अधिकार नदिने बारे सबै दलको सहमति भएको उनले बताए । ‘संविधान बनाउँदा प्रधानमन्त्रीलाई संसद् विघटन गर्ने बारे अधिकार नदिने कुरामा सहमति भएको छ’ उनले भने, त्यति बेलाका संसदीय समितिमा पनि त्यसको रेकर्ड छ । त्यसलाई बसहमा ल्याउनुपर्छ ।’

---