ए डिभिजन लिग फुटबल, आज चार खेल हुँदै

काठमाडौँ- शहिद स्मारक ए डिभिजन लिग फुटबलमा आज चार खेल हुँदैछन् ।

अखिल नेपाल फुटबल संघ (एन्फा)का अनुसार दुईवटा खेल रंगशालामा हुनेछ भने च्यासल मैदान र एन्फा कम्प्लेक्समा एक-एक खेल हुनेछ ।  

---

च्यासल मैदान, ललितपुरमा हुने पहिलो खेलमा खुमलटार र विभागिय टोली एपीएफ फुटबल क्लबका बीचमा प्रतिस्पर्धा हुनेछ । जुख खेल ३ बजेबाट सुरु हुनेछ ।

उता त्रिभुवन आर्मी क्लब र नेपाल पुलिस क्लबको बिचको खेल पनि ३ बजेबाट नै सुरु हुनेछ । जुन खेल एन्फा कम्प्लेक्स, सातदोबाटोमा हुनेछ । 

त्रिपुरेश्वरस्थित दशरथ रंगशालामा हुने पहिलो खेलमा चर्च ब्वाईज र थ्रि–स्टार क्लबका बीचमा प्रतिस्पर्धा हुनेछ । जुन खेल ३ बजेबाट सुरु हुनेछ । 

रंगशालामा हुने दोस्रो खेल भने साँझ ६ बजेबाट सुरु हुनेछ । जुन खेलमा सातदोबाटो र जावालाखेल युथ क्लबका बीचमा प्रतिस्पर्धा हुनेछ ।