मेस्सीले २०२६ को विश्वकप नखेल्ने निश्चित

काठमाडौँ- अर्जेन्टिना फुटबल टिमका कप्तान तथा स्टार फरवार्ड लियोनल मेस्सीले सन् २०२६ को फिफा विश्वकप नखेल्ने बताएका छन् ।

गत वर्ष कतारमा आयोजना भएको फिफा विश्वकपको उपाधि अर्जेन्टिनालाई दिलाएपछि मेस्सीले बारम्बार आफूले २०२६ मा अमेरिका, मेक्सिको र क्यानाडामा संयुक्त रुपमा आयोजना हुने विश्वकप नखेल्ने बताउँदै आएपनि उनका समर्थकहरु भने आशावादी थिए ।

---

तर ७ पटकका बालोन डी’ओर विजेता मेस्सीले चिनीयाँ संचारमाध्यम टाइटन स्पोर्ट्ससँगको कुराकानीमा २०२६ को विश्वकप नखेल्ने बताएको इएसपीएनले जनाएको छ ।

अस्ट्रेलियाविरुद्धको मैत्रीपूर्ण फुटबलका लागि चीनमा रहेका ३५ वर्षीय मेस्सीले कतारको विश्वकप नै आफ्ना लागि अन्तिम भएको तथा अबको विश्वकप नखेल्ने प्रस्ट पारे ।