बीपी प्रतिष्‍ठानका भिसीले डा. पोख्रेललाई सोधे स्पष्‍टीकरण

काठमाडौँ- बीपी कोइराला स्वास्थ्य विज्ञान प्रतिष्‍ठानको सिनेट सदस्य प्रा. डा. पारसकुमार पोख्रेललाई उपकुलपति कार्यालयले स्पष्टीकरण सोधेको छ । बीपी कोइराला स्वास्थ्य विज्ञान प्रतिष्ठानको शुद्धिकरण अभियानले बीपी कोइरालाको वार्षिकोत्सव कार्यक्रममा सहभागी भएको भन्दै स्पष्टीकरण सोधेको हो । अभियानको सबैले प्रस्ताव गरेपछि प्रा.डा. पोखरेलले कार्यक्रमको संयोजकत्त्व गरेका थिए ।

स्वास्थ्यकर्मी तथा कर्मचारीले बीपी जयन्तीको अवसरमा शालिकमा माला लगाउँन आग्रह गर्दा माला लगाएकोले स्पष्‍टीकरण सोधिएको डा. पोखरेलले जानकारी दिए । उनलाई भिसि कार्यालयले पत्र काटीसकेको छ । प्रतिष्ठानको छविमा आँच आउने काम गर्‍यो भन्दै तपाईलाई कारबाही किन नगर्ने भनि स्पष्टिकरण सोधिएको छ ।

---

पत्रमा तीन दिन भित्रमा स्पष्टीकरण दिनुपर्ने माग गरिएको उनले बताए ।' मैले के गल्ती गरेको छु, मैले के आधारमा स्पष्टीकरण सोधिएको हो त्यस विषयमा जवाफ माग्छु,' उनले भने ।

पूर्वाग्रही राखी मलाई जवाफ मागिएको हुन सक्ने पोख्रेलले बताए । प्रतिष्‍ठानमा भिसी विरुद्ध आवाज उठिरहेको छ । पोख्रेलले सिनेट बैठक बोलाएर प्रतिष्ठानमा भएको समस्या समाधान गर्न आग्रह गरेका थिए ।

डा.पोख्रेललाई प्रष्टीकरण सोधिएको विरोधमा प्रतिष्‍ठानको शुद्धिकरण अभियानले आपत्ति जनाएको छ । स्पष्टीकरण तत्काल फिर्ता लिन पनि माग गरेको छ । अभियानले सोधिएको स्पष्टीकरण फिर्ता नभएमा भोलि बिहान उपकुलपति कार्यालय भेला हुने पनि जनाएका छन् ।