सिन्धुपाल्चोकमा भिरबाट खस्दा छोरा र ठुलीआमाको मृत्यु

सिन्धुपाल्चोक - इन्द्रावती गाउँपालिका ५ कोइरालाटारमा भीरबाट खस्दा एक महिलासहित बालकको मृत्यु भएको छ । 

चौतारा साँगाचोकगढी नगरपालिका सानुसिरुवारी घर भएकी ५५ बर्षीया गोमा धिताल र उनको बहिनीको छोरा मेलम्ची नगरपालिका ११ बस्ने ५ बर्षिय बिशेष चालिसेको आज भीरबाट खसेर खोलाले बगाउँदा मृत्यु भएको इलाका प्रहरी कार्यालय नवलपुरले जनाएको छ । 

---

मृतक महिला बालकको ठुलीआमा रहेको र उनीहरु इन्द्रावती गाउँपालिका १० भोटसिपामा रहेको आफ्नो माइत जाँदै गर्दा भीरबाट खसेर खोलाले बगाएको बालकको आमा पार्वती चालिसेले बताइन् । 

मृतक दुवै जनाको शव केही तल खोलामा भेटिएको थियो । उनीहरूको शव पोष्टमार्टमका लागि मेलम्ची लगिएको इलाका प्रहरी कार्यालय नवलपुरका प्रहरी निरीक्षक इन्द्रजित इटनीले जानकारी दिए ।