कपिलवस्तुमा सशस्त्र प्रहरी सवार ट्रक दुर्घटना : दुई जनाको मृत्यु

बुटवल- कपिलवस्तुमा सशस्त्र प्रहरी सवार ट्रक दुर्घटना हुँदा दुई जनाको मृत्यु भएको छ ।

जिल्लाको बाणगंगा नगरपालिका वडा नं. ३ सिउटीमा भएको सशस्त्र प्रहरीको ट्रक दुर्घटनामा साइकलमा सवार यात्रुसहित एकजना सशस्त्र प्रहरीको मृत्यु भएको हो ।
चार नम्बरबाट तौलिहवातर्फ जाँदै गरेको सशस्त्र प्रहरीको ट्रक अनियन्त्रित हुँदै साइकलमा सवार यात्रीलाई ठक्कर दिँदै दुर्घटनामा परेको प्रत्यक्षदर्शीले बताएका छन्

---

मृत्यु हुनेमा सवारी चालक सशस्त्र प्रहरी रमेश चौधरी रहेको प्रहरीले जनाएको छ । यस्तै स्थानीय अमर तङनामीको पनि निधन भएको प्रहरीको भनाइ छ । दुर्घटनामा आधा दर्जन बढी घाइते भएका छन् ।

तीन जनाको अवस्था गम्भीर भएकाले थप उपचारका लागि बुटवल रिफर गरिएको छ । थप ४ जनाको सामुदायिक अस्पताल चार नम्बरमा उपचार भइरहेको छ ।