बस, कार र मोटरसाइकल आपसमा जुध्दा छोराको मृत्यु, बुवा घाइते

काठमाडौं– सवारी दुर्घटनामा एकजनाको मृत्यु भएको छ । शनिबार दिउसो ३ बजे मोटरसाइकल दुर्घटनामा परेर ६ वर्षीय आर्जन शेर्पाको मृत्यु भएको हो ।

भक्तपुरको सूर्यविनायक नगरपालिका–५ श्रृजनानगरस्थित जगातीबाट काठमाडौतर्फ जाँदै गरेको बा. ६ च. ८८५८ नं. को कार र बा. ५५ प. ९९२२ नं. मोटरसाइकल र बा. ४ ख. ५७९६ नं. को बस एक आपसमा ठक्कर खाँदा शेर्पा घाइते भएका थिए ।

---

जिल्ला प्रहरी परिसर भक्तपुरका प्रहरी नायव उपरीक्षक राजु पाण्डेका अनुसार थप उपचारको क्रममा नर्भिक अस्पतालमा आज बिहान चार बजे शेर्पाको मृत्यु भएको हो । मृत्यू हुनेमा दोलखा जिल्ला विगु गाँउपालिका–६ खोपाचागुका ४९ वर्षीय ढावा शेर्पाका छोरा रहेका छन् । ढावा शेर्पाको भने मध्यपुर अस्पताल भक्तपुरमा उपचार भईरहेको प्रहरीले जानकारी दिएका छन् ।

बस चालक दोलखा जिल्ला भिमेश्वर नगरपालिका–४ जिलुका २६ वर्षीय भरत चौलागाई र कार चालक भक्तपुर जिल्ला भक्तपुर नगरपालिका–२ इताछेकी २६ वर्षीय रिया कायस्थलाई प्रहरी वृत्त जगाती भक्तपुरले नियन्त्रणमा लिएर अनुसन्धान कार्य भइरहेको प्रहरीले जनाएको छ ।