गुजरातबाट टीकापुर आउँदै गरेको बस लखनउमा दुर्घटना, चार जनाको मृत्यु*

कैलाली - भारतको गुजरातबाट टीकापुर आउँदै गरेको बस लखनउमा दुर्घटना भएको छ । गुजरातबाट टीकापुरतर्फ आउँदै गरेको बस भारतको लखनउनजिकै दुर्घटना हुँदा तीन नेपालीसहित चार जनाको ज्यान गएको हो।

स्थानीय भुपेन्द्र साँउदका अनुसार टीकापुर नगरपालिका-१ व्यावसाय क्षेत्रका चन्द्रबहादुर साउँदको दुर्घटनामा परेर ज्यान गएको छ। उनका अनुसार मृतक साउँदका परिवारका अन्य सदस्यहरू समेत सोही बसमा यात्रा गरिरहेका थिए।

---

मृत्यु हुने अन्य कसैको पनि सनाखत हुन सकेको छैन।  बाक्लो हुस्सुका कारण दुर्घटना भएको बताइएको छ ।

टिकापुर आउँदै गरेको बसलाई दुवैतर्फबाट विपरीत दिशातर्फ जाँदै गरेको अर्को सवारीसाधनले ठक्कर दिएको बताइएको छ ।

* यसअघि यही समाचारमा तीन नेपालीसहित चार जनाको मृत्यु भएको हुनुपर्नेमा स्थानीयले दिएको जानकारी अनुसार १४ नेपालीको मृत्यु हुन गएकोमा क्षमापार्थीसहित सच्याइएको छ । - सम्पादक