दुर्घटनामा मृत्यु भएका कानुनमन्त्री सिंहकाे आज दाहसंस्कार गरिँदै

कैलाली । जीप दुर्घटना परी मृत्यु भएका सुदूरपश्चिम प्रदेशका आन्तरिक मामिला तथा कानुन मन्त्री पृथ्वीबहादुर सिंह र उनकी धर्मपत्नी अमृतादेवी सिंहको आज दाहसंस्कार गरिने भएको छ।

मन्त्री सिंह  दम्पतीको पार्थिव शरीरलाई शनिबार ९ बजे जिल्ला अस्पतालदेखि चैनपुर बजार परिक्रमा गराइ ११ बजे नेपाली कांग्रेस पार्टी कार्यालयमा शोक तथा श्रद्धाञ्जली अर्पण गरेर दिउँसो सेती नदीस्थित धौला बगरमा अन्त्येष्टि गरिने भएको हो।

---

मन्त्री सिंहका कान्छा छोरा नर्वेबाट आउन समय लागेकाले आज अन्त्येष्टि गरिन लागिएको हो ।

मंगलबार डडेल्धुराबाट गृहजिल्ला बझाङ जाने क्रममा मंगलवार मन्त्री सिंहसहित उनकी श्रीमती अमृतादेवी सिंह र भाउजु जयादेवी सिंहको दुर्घटनामा परी मृत्यु भएको थियो।

मन्त्री सिंह सवार सुपप्र ०१–००१ झ ४८० नम्बरको जीप दिउँसो १ः३० बजे केदारस्युँ गाउँपालिकाको धारछडा भन्ने स्थानमा दुर्घटनामा परेको थियो।