मकवानपुरमा सवारी दुर्घटना हुँदा एक जनाको मृत्यु

मकवानपुर- मकवानपुरको मनहरीमा सवारी दुर्घटना हुँदा एक जनाको मृत्यु भएको छ ।

आज दिउँसो मनहरी गाउँपालिका-६ नयाँबस्तीस्थित पूर्व-पश्चिम सडकखण्डमा मोटरसाइकल दुर्घटना हुँदा रामेछाप ८ घर भई चितवन खैरेनी ८ बस्ने अन्दाजी ५० वर्षीय नरबहादुर थापाको मृत्यु भएको मकवानपुर प्रहरीले जनाएको छ ।

---

चितवन तर्फबाट हेटौँडा तर्फ आउँदै गरेको बा.प्र.०३-००३ प ८६५८ नम्बरको मोटरसाइकल आफैँ अनियन्त्रित भई मनहरी-६ मा सडकको पोलमा ठक्कर खाइ दुर्घटना हुँदा मोटरसाइकल चालक थापा गम्भीर घाइते भएका थिए ।

थापालाई बेहोस अवस्थामै उपचारका लागि भरतपुर चितवन पठाएकोमा उपचारको क्रममा पुरानो मेडिकल कलेज भरतपुरमा मृत्यु भएको मकवानपुर प्रहरीले जनाएको छ ।