सिन्धुपाल्चोकमा हिजो बसले ठक्कर दिएको महिलाको आज मृत्यु

काठमाडौँ - सिन्धुपाल्चोक अमलटारमा बसले ठक्कर दिएर घाइते भएकी महिलाको मृत्यु भएको छ । हिजो साँझ पूर्व अरनिको यातायातको बा ३ ख ५५४ नम्बरको बसले ठक्कर दिइ गम्भीर घाइते भएकी बलेफि गाउँपालिका ६ बदर्पाकी माइली तामाङको मृत्यु भएको हो । 

बाटो काट्ने क्रममा आफै चढेको बसले उनलाई ठक्कर दिएको थियो । उनको धुलिखेलमा उपचारको क्रममा आज मृत्यु भएको हो । उनको मृत्यु भएपछि आफन्तले बस चालकलाई कारवाही र क्षतिपूर्तिको माग गर्दै दिनभर अरनिको यातायात बनद गराएका थिए । 

---