ढुंगाले लागेर एक जनाकाे मृत्यु

पाँचथर - पाँचथरमा ढुंगाले लागेर एक जनाको मृत्यु भएको छ । हिलिहाङ गाउँपालिका–१ अमरपुरमा निर्माणाधीन काबेली ‘बी’ जलविद्युत् आयोजनामा कार्यरत मजदुरको ढुंगाले लागेर मृत्यु भएको हो । 

मृत्यु हुनेमा इलामको देउमाई नगरपालिका–९ का २५ वर्षीय भुपाल मगर रहेका छन् ।

---

ड्रिल मेसिनले ढुंगा निकाल्ने क्रममा खसेको ढुंगाले लागेर मगरको घटनास्थलमै मृत्यु भएको प्रहरीले जनाएको छ ।