भैंसेपाटीमा मन्त्री क्वार्टरको टहरामा आगलागी

काठमाडौं - ललितपुरको भैंसेपाटीस्थित मन्त्री क्वार्टरको टहरामा आगलागी भएको छ । मंगलबार बिहान करिब साढे ११ बजे मन्त्री क्वार्टर परिसरभित्र रंग स्टोर गरेर राखेको गोदाममा विद्युत सर्ट भई आगलागी भएको थियो । 

आगलागी भएको केहीबेरमा ललितपुर महानगरको वारुण यन्त्रको सहायताले नियन्त्रणमा लिइएको थियो । ​आगलागीका कारण भएको क्षतिको विवरण आउन बाँकी छ । 

---