सल्यानमा दिदीबहिनी मृत फेला

काठमाडौं - सल्यानमा दिदीबहिनी मृत भेटिएका छन् । 

कुपिण्डे नगरपालिका–११, सिस्नेपातलमा दिदीबहिनी नै बुधबार घरभित्र मृत फेला परेको जिल्ला प्रहरी कार्यालय सल्यानका प्रहरी निरीक्षक बाबुराम बस्नेतले जानकारी दिए ।

---

उनका अनुसार ३ वर्ष र ६ महिनाका दुई दिदीबहिनी मृत फेला परेका हुन् । आमा पुर्णिमा राना पनि छोरीहरूसँगै बस्थिन् । बुबा भने रोजगारीका लागि नुवाकोटमा बस्ने गरेको प्रहरी निरीक्षक बस्नेतले बताए । 

घटना शंकास्पद देखिएको र घटनाबारे अनुसन्धान भइरहेको प्रहरीले जनाएको छ ।