माछापुच्छ्रे बैंककाे एटीएम तोडफोड, एक जना पक्राउ

मोरङ : मोरङ माछापुच्छ्रे बैंककाे एटीएम मेसिन तोडफोड गरेकाे अभियाेगमा एक जना पक्राउ परेका छन् । पक्राउ पर्नेमा रतुवामाई नगरपालिका-५ बस्ने २१ वर्षीय पारस कालिकोटे रहेका छन् ।

विराटनगर महानगरपालिका-३ कंचनबारीस्थित उक्त बैंकको एटीएम मेसिन तोडफोड गरेको अभियोगमा कालिकोटेलाई आइतबार राति प्रहरीले पक्राउ गरेको हाे ।
 
एटीएम मेसिन तोडफोड भइरहेको भन्ने सूचना प्राप्त हुनासाथ जिल्ला प्रहरी कार्यालय मोरङ, प्रहरी चौकी बरगाछी र सीआरभी पोष्ट भट्टाचोकबाट खटिएको प्रहरीले कालिकोटेलाई पक्राउ गरेकाे हाे । 

---