मोटरसाइकल दुर्घटनामा दुईको मृत्यु

कैलाली- टीकापुरमा एकाआपसमा ठोक्किएर मोटरसाइकल दुर्घटना हुँदा २ जनाको मृत्यु भएको छ। शुक्रबार टीकापुर नगरपालिका ४ असनेरीमा दुइ मोटरसाइकल एकआपसमा ठोक्किदा २ जनाको मृत्यु भएको हो।

प्रदेश ट्राफिक प्रहरी कार्यालय अत्तरियाले दिएको जानकारी अनुसार से ३ प ९७४६ र लु ७४ प ४०७४ नम्बरको मोटरसाइकल एकआपसमा ठोक्किदा १७ वर्षीय अन्जील कार्की र प्रजापती चौधरीको मृत्यु भएको हो ।

---

त्यस्तै मोटरसाइकलमा सवार दिवस चौधरी घाइते भएका छन । प्रजापतीको कोहलपुरमा उपचारका क्रममा मृत्यु भएको होे भने अन्जीलको टीकापुरमै मृत्यु भएको जिल्ला प्रहरी कार्यालय कैलालीले जानकारी दिएको छ ।