डेढ लाख घूसले आजीवन पेन्सन गुमाउँदै मालपोत अधिकृत

काठमाडौं– जग्गा दर्ताका क्रममा सेवाग्राहीसँग घूस लिएको अभियोगमा परेका छन्, मालपोत कार्यालय ताप्लेजुङका मालपोत अधिकृत (कार्यालय प्रमुख) लेखापनेरु महत । अख्तियारले दुरुपयोग अनुसन्धानले आयोगले १ लाख ५० हजार रुपैयाँ घूस लिएको पुष्टि जनाउँदै शुक्रबार विशेष अदालतमा मुद्दा दर्ता गरेको हो । अदालतमा मुद्दा दायर गरेसँगै महत स्वतः निलम्बनमा परेका छन् ।

मालपोत अधिकृत महतलाई सेवाग्राहीबाट घुस लिइसकेको अवस्थामा २०७९ वैशाख ११ मा आयोगले नियन्त्रणमा लिएको थियो । आयोगको अनुसन्धानले सेवाग्राहीबाट घूस लिएको प्रमाणित भएपछि महतविरुद्ध भ्रष्टाचार मुद्दा लगाएको हो । आयोगले कैद र बिगो बमोजिम सजायको माग दाबी लिएको छ । अदालतबाट घूस लिएको ठहरिएमा महतले पेन्सन लगायतका सरकारी सुविधा पाउने छैनन् ।
 

---