प्रहरी पेट्रोल पम्पमा एक करोडको तेल घोटाला

काठमाडौँ – प्रहरी कल्याण कोषद्वारा सञ्चालित नक्सालको पेट्रोल पम्पबाट प्रहरी सहायक निरीक्षक दिलिप कार्कीले ठूलो रकम हिनामिना गरेको खुलेको छ । उनले फर्जी विवरण बनाएर एक करोड तीन लाख ९७ हजार नौ सय ३७ रुपैयाँ हिनामिना गरेको अख्तियार दुरुपयोग अनुसन्धान आयोगले जानकारी दिएको छ ।  

ग्राहक नम्बर एम०१९ को खातामा अन्य व्यक्तिले भुक्तानी गरेको रकमलाई गलत प्रविष्ट गरेको आरोप छ । उनले हुँदै नभएको कारोबारको आधारमा असूली देखाएर रकम हिनामिना गरेको उल्लेख छ । आयोगले काठमाडौँ विशेष अदालतमा कार्कीविरुद्ध आरोप-पत्र दायर गरेको हो । 

---