तिलोत्तमामा जनप्रतिनिधिबीच लछारपछार : यसरी खसालियो वडाअध्यक्षलाई स्वीमिङ पुलमा (भिडियो)

काठमाडौं– रूपन्देहीको तिलोत्तमाको चौथो नगरसभामा विवाद हुँदा एक वडाअध्यक्षलाई लछारपछार गरेर स्वीमिङ पुलमा खसालिएको छ । तिलोत्तमा नगरपालिका वडा नं. ४ का अध्यक्ष हरिबहादुर क्षेत्री स्वीमिङ पुलमा खसेका हुन् । उनी एमालेबाट निर्वाचित भएका थिए ।

नगरसभा मणिग्राम पार्टी प्यालेसमा चलिरहेको थियो । गणपूरक संख्या नपुगेपछि उत्पन्न भएको विवादले चर्काे रुप लिएको हो । त्यही क्रममा जनप्रतिनिधि बीचमै फाटो आएपछि स्थिति धकेलाधकेलसम्म पुगेको थियो ।

---

 ९० सदस्यीय जनप्रतिनिधि रहेको सभामा आइतबार ४२ जनाको मात्रै हाजिरी भएपछि पुनः स्थगित भएको हो । 

उपमेयर जागेश्वरी चौधरीले सभाहल नजिक आफ्ना निकटका जनप्रतिनिधि जम्मा गरेर कांग्रेस मुर्दावाद,कांग्रेसका हाकिम मुर्दावाद, राजीनामा दे लगायतका नारा लगाएका हुन् । उपमेयर चौधरीले हाकिमलाई तँ नै भनेर गाली नै गरेपछि कांग्रेसबाट निर्वाचित वडाध्यक्षले आपत्ति जनाएका छन् । 

यसअघि असार ३१ गते नगरसभाको बजेट पास गर्न बसेको बैठकमा उपमेयर चौधरीका कारण बैठक बस्न २ घण्टा ढिलाई भएको र गणपूरक संख्या नपुगेपछि बैठक स्थगित भएको हो । बजेटसभामा एकमात्र एजेन्डा बजेट पास गर्ने भएपनि एमालेले भने उपसमितिको पनि एजेन्डासँगै लैजान भनेपछि विवाद चुलिएको हो ।

तिलोत्तमाको कार्यपालिकाले गठन गर्ने विभिन्न उपसमितिमा एमालेले बहुमतको दम्भ देखाउँदै एकलौटी गर्न खोजेपछि शुरू देखिनै विवाद उत्पादन भएको हो तर नगरप्रमुख खांणले भने समितिहरू सहमतिका आधारमा समावेशी र सबैलाई समेटेर बनाउनुपर्ने बताएका छन् । आज स्थगित बैठक भोलि बस्नेछ ।

 

भिडियाे : अनुज बज्राचार्य

याे पनि

तिलाेत्तमामा उपमेयरले हाकिमलाई 'तँ' भनेपछि तनाव : धकेलाधकेल भएपछि नगरसभा स्थगित [भिडियाे]

हाम्रो तिलोत्तमा देशकै नमुना नगर बन्यो