रुपन्देहीमा गोली प्रहार, एक घाइते

बुटवल- रुपन्देहीको ओमसतियामा गोली प्रहारबाट एकजना युवक गम्भीर घाइते भएका छन् । अज्ञात समुहले चलाएको गोलि लागेर सिद्धार्थनगर नगरपालिका-१ वेलहिया बस्ने विकाश गुरुङ घाइते भएको प्रहरीले जनाएको छ ।

रुपन्देहीको ओमसतिया- ४ बसन्तपुरमा अज्ञात समुहले गुरुङमाथि गोली प्रहार गरेका थिए । प्रत्यक्षदर्शीका अनुसार रोहिणी गाउँपालिका-१ बाइपासस्थित सिद्वार्थ होटलमा करिब १२ बजे राति अज्ञात समुहद्वारा लुटपाट गरि भाग्दै गरेको अवस्थामा ओमसतियाको बसन्तपुर वडा कार्यालय अगाडी जम्का भेट भएका गुरुङमाथि लुटपाट गर्ने समुहले गोली प्रहार गरेका थिए ।

---

लुटेराहरुले सो कटेजबाट २ तोला सुन र केही नगद लुटेको बताइएको छ । घाइतेको उपचारको लागि भैरहवा मेडिकल कलेजमा पठाइएको प्रहरीले जनाएको छ । गोली प्रहार गर्ने समुहको खोजिमा प्रहरी परिचालन गरिएको प्रहरीले जनाएको छ ।