रहेनन् पत्रकार राना

बुटवल- रुपन्देहीलाई कार्यक्षेत्र बनाएर बुटवलबाट पत्रकारिता गर्दै आएका पत्रकार टेक मास्की रानाको निधन भएको छ । रानाको बुधबार बिहान निधन भएको नेपाल पत्रकार महासंघ रुपन्देहीका अध्यक्ष रामराज पोखरेलले बताए ।

स्याङजा स्थायी घर भएका राना लामो समयदेखि डेंगु तथा निमोनियाका बिरामी थिए । उनको उपचारको क्रममा लुम्बिनी प्रादेशिक अस्पताल बुटवलमा निधन भएको हो । डेंगु र निमोनियाका बिरामी उनको उपचारका लागि पत्रकार महासंघले सक्रिय भूमिका निर्वाह गरिरहेको थियो ।

---

उपचारमा निरन्तर प्रयास गरिरहँदा पनि बचाउन नसकेको पत्रकार महासंघ रुपन्देहीका अध्यक्ष  पोखरेलले दुःख व्यक्त गरे । दुई दशकभन्दा लामो पत्रकारिता गरेका राना नेपाल पत्रकार महासंघ, रुपन्देहीका पूर्व कार्यसमिति सदस्य, लुम्बिनी प्रदेश समिति सदस्य तथा रेडियो जागरण बुटवलको समाचार प्रमुख थिए । केहि वर्ष अघि मात्रै श्रीमती गुमाएका रानाको एक छोरा २ छोरी छन् ।