गस्ती गएका प्रहरी बेपत्ता, एक मृत फेला

धनगढी : धनगढीमा अस्थायी प्रहरी चौकीका इन्चार्जसहित दुई जना प्रहरी बेपत्ता भएका छन् । धनगढी उपमहानगरपालिका-१२ को अस्थायी प्रहरी विट जुगेडामा कार्यरत प्रहरी सहायक निरिक्षक (असई) गोविन्द बिक र प्रहरी जवान रामबहादुर साउँद शनिबार रातिदेखि बेपत्ता भएका हुन् ।

गस्तीमा गएका उनीहरु दुवै जना रातिदेखि सम्पर्कविहिन भएको सुदूरपश्चिम प्रदेश प्रहरी कार्यालयका प्रमुख तथा प्रहरी नायव महाननिरिक्षक उत्तम सुवेदी बताए।

---

यस्तै नेपाल भारत सीमामा रहेको मोहना नदीमा एक जनाको शव फेला परेको छ । शवको पहिचान भने नभएको सुवेदीले बताए । शव वेपत्ता प्रहरीकै हुनसक्ने अनुमान गरिएको छ । गएराति प्रहरी र तस्करविच झडप भएको पनि आशंका गरिएको छ । प्रदेश प्रहरी कार्यालयका प्रमुख तथा प्रहरी नायव महाननिरिक्षक सुवेदीसहितको प्रहरीको टोली घटनास्थल पुगेको छ ।