आँखा विशेषज्ञसँग आँखाको भाका

पोखरा- जलविन्दु रोगमा नेपालकै पहिलो विशेषज्ञ हुन् सुमन थापा । हालसम्म  ६० हजार बढीको उपचार गरिसकेका सुमनको परिचय त्यति मात्र सीमित छैन । पढाइमार्फत डाक्टर बनेका सुमनको मन मुटुमा संगीत ताजै छ । 

सानैदेखि म्युजिसियन बन्ने लक्ष्य राखेका सुमन कलकत्तामा पिएचडी गरेका थिए । म्युजिसियन सिक्ने बाटोमा अघि बढेका सुमन साथीको लहलहीमा लागेर डाक्टर पढेको बताउँछन् । ‘सानैदेखि म्युजिक सिक्ने चाहना थियो । त्यही पढ्छु सोचेको थिएँ । एकजना भुटानी साथीले डाक्टर पढम् भने त्यसपछि डाक्टर पढ्छु भनेर लागेँ,’ उनले भने, ‘मैले डाक्टर पढेँ, उसले अर्कै बढ्यो ।’

---

उनले हालसम्म बाइपासदेखि ब्ल्यु फ्रेट नामक क्रियाशील सांगीतिक समूहमा काम गरिसकेका छन् । आफैँ गीत लेख्छन्, गितारमा औंला चलाउँछन्, र धुन पनि आफैँ भर्छन् । 

सबैभन्दा सजिलो भनेको गीत गाउन हुने थापा बताउँछन् । ‘म सानो हुँदाखेरि सबैभन्दा सजिलोसँग आएको भनेकै गाउन हो । डाक्टरी भनेको कुरा त धेरै पछि आएको कुरा हो,’ उनले भने । 

सांगीतिक यात्राको सुरुवाती दिन सम्झिँदै थापाले भन्छन्, ‘बीचमा केही खान जानुहुन्थ्यो । मैले चाहिँ गितार बजाएर खेल्थेँ ।’

डाक्टर बनेपछि जति बेला पनि गीत गाउन मन लाग्ने सुमन सुनाउँछन् । ‘गायक त पहिलादेखि नै थिएँ । खाली गाउन मन लाग्थ्यो । पढ्न मन लाग्थेन । र, म्युजिसियन नै भएर जीवन बिताउन मन लागेको थियो । तर, डाक्टर पढ्दा धेरै गाह्रो भयो । सुरुमा फेल पनि भइयो । किनकि पढाइमा मन पनि थिएन । जति बेला पनि गाउन मन लाग्थ्यो,’ उनले भने । 

सानैदेखि गीत गाउन सुरु गरेको उनले सुनाए । ‘कसरी आयो थाहा भएन । केही म्युजिक सुन्यो, केही गाना सुन्यो । सानो हुँदाखेरि गाइयो होला । तर, गाउन चाहिँ सानै देखि एकदमै गाइरहेको हो,’ उनले भने ।

कलकत्तामा पिएचडी सकेपछि उनी काठमाडौँ फर्किएका थिए । त्यसपछि उनले ‘बाइपास’ समूहसँग संलग्न रहेर आफ्नो सांगीतिक रहरलाई अगाडि बढाएका थिए । सांगीतिक यात्रा मात्रै अगाडि बढाइरहेका थिए । त्यसपछि उनी वीर अस्पतालमा जोडिएका थिए । ‘म डाक्टर बनेर फर्किएपछि गायन क्षेत्रमा मात्रै थिए । साथीहरूले बिग्रियो भनेर वीर अस्पतालमा काम गर्न लगाए । त्यसपछि केही समय त्यसैमा लागेँ,’ उनले भने ।

थापाले वीर अस्पतालदेखि मणिपाल अस्पतालसम्म काम गरे पनि गायनको भोक भने मेट्न सकेनन् । उनले विदेश गएर जलविन्दु रोगका अध्ययन गरेर फर्किएका सुमन अहिले पनि सांगितिक यात्रामा क्रियाशील छन् ।