नवौं राष्ट्रिय खेलकुदमा मकवानपुरका १२ जना खेलाडी छनौट

मकवानपुर - नवौं राष्ट्रिय खेलकुदका लागि मकवानपुरका १२ जना खेलाडी छनौट भएका छन् । आगामी असोज २८ गतेदेखि कार्तिक ३ गतेसम्म संचालन हुने प्रतियोगिताका लागि बागमती प्रदेश सरकारले छनौट गरेको ३ विधाका खेलमा मकवानपुरका १२ खेलाडी छनौट भएका हुन् ।

जिल्ला खेलकुद विकास समिति मकवानपुरका निमित्त कार्यालय प्रमुख माधव कोइरालाका अनुसार प्रदेश क्रिकेट टिमको अन्तिम १४ मा मकवानपुरका ३ जना खेलाडी छनौट भएका हुन् । छनौट हुनेमा रामनरेश गिरी, सुमन सुनार र शुभ कंशाकार रहेका छन् ।

---

प्रदेश क्रिकेट टिमको अन्तिम १८ को वैकल्पिकमा मकवानपुरकै थप ३ जना खेलाडी अटाएका छन् । रिजन ढकाल, गौरव खड्का र तक्षक सिम्खडा वैकल्पिकमा छनौट भएका हुन् ।

यसैगरी जुडोतर्फ अस्मिता गोले र सलिसा गोले नवौं राष्ट्रिय खेलकुदका लागि छनौट भएका छन् । उसुतर्फ वास्ताकुमारी पाख्रिन, प्रविण दोङ, आशीष लामा र साजन थिङ नवौं राष्ट्रिय खेलकुदका लागि छनौट भएका हुन् ।