पूर्वराजा ज्ञानेन्द्र शाहलाई नोबेल शान्ति पुरस्कारका लागि दलहरूले सिफारिस गर्नुपर्छ : अध्यक्ष लिङ्देन

काठमाडौँ - राष्ट्रिय प्रजातन्त्र पार्टीका अध्यक्ष राजेन्द्र लिङ्देनले शान्ति प्रक्रियालाई निष्कर्षमा पुर्‍याउन पूर्व राजाले खेलको भूमिकालाई नबिर्सन सुझाव दिएका छन् । 

बुधबार प्रतिनिधिसभा बैठकमा लिङदेनले द्वन्द्व सम्झौताबाट टुंगिएको र सम्झौताको एउटा पक्ष पूर्वराजाहरु भएकाले उनीहरुको भूमिकालाई बिर्सन नहुने बताएका हुन् । 

---

शान्ति प्रक्रियामा सहयोग पुर्‍याएबापत पूर्वराजा ज्ञानेन्द्र शाहलाई नोबेल शान्ति पुरस्कारका लागि दलहरूले सिफारिस गर्नुपर्ने उनले बताए । 

त्यस्तै उनले शान्ति प्रक्रियालाई निष्कर्षमा पुर्‍याएसँगै देशमा फेरि कहिल्यै द्वन्द्व दोहोरिन दिन नहुने धारणा राखे । हिंसा जुनसुकै अवस्थामा पनि दण्डित हुन्छ भन्ने स्थापित गर्नुपर्ने भन्दै उनले सबै मिलेर शान्ति प्रक्रियालाई निष्कर्षमा पुर्‍याउनुपर्ने बताए । 

अहिले संक्रमणकालीन न्यायसँग सम्बन्धित विधेयकलाई समर्थन गरेपनि यसका प्रक्रियालाई नियालिरहने उनले बताए ।