काठमाडौँ : युरो २०२० को पहिलो क्वाटरफाइनल अन्तर्गत स्पेन र स्वीटजरल्यान्डबीचको खेल टाइब्रेकरमा धकेलिएको छ । निर्धारित ९० र थपिएको ३० मिनेटको खेल एक एक गोलको बराबरीमा सकिएपछि खेल टाइब्रेकरमा धकेलिएको हो ।

अब टाइब्रेकरमा जित निकाल्ने टिम सेमीफाइनल पुग्नेछ । स्वीटजरल्यान्डका लागि कप्तान जार्दन शाकिरीले गोल गरेका हुन् भने स्वीट्जरल्यान्डकै डेनिस जकारियाले आत्मघाती गोल गरेका थिए । यसअघि प्रि-क्वाटरफाइनलमा टाइब्रेकमा फ्रान्सलाई हराउँदै स्वीटजरल्यान्ड क्वार्टरफाइनल पुगेको थियो ।

आजको खेलमा स्वीटजरल्यान्ड १० खेलाडीमा सिमित छ । उसका रिमो फ्रीउलरले रेर्ड कार्ड खाएर मैदानबाट बाहिरिएका थिए ।