रीतिरिवाज

देशले संस्कृत भाषा बिर्सन नहुनेमा विज्ञको जोड

इकागज | साउन २८, २०७९

काठमाडौँ - नेपाल भूमिबाट उत्पत्ति भएको संस्कृत भाषाप्रति विभिन्न देशमा आकर्षण बढेका बेला देशमै भने यसको महत्व बिर्सने अवस्था आउन नहुनेमा जोड दिइएको छ ।

पाँचौँ विश्व संस्कृत दिवसका अवसरमा पद्मकन्या क्याम्पस संस्कृत, पत्रकारिता र हिन्दी विभाग, भारतीय राजदूतावास विवेकानन्द सांस्कृतिक केन्द्रको संयुक्त आयोजनामा भएको कार्यक्रममा नेपाल संस्कृत विश्वविद्यालय अनुसन्धान केन्द्रका पूर्वकार्यकारी निर्देशक प्रा डा काशीनाथ न्यौपानेले संसारकै प्राचीन भाषा संस्कृत आज पनि मानव मात्रका लागि उपयोगी रहेको बताए । 

वेद, उपनिषद्, पुराणलगायत महत्वपूर्ण ग्रन्थ संस्कृत भाषामै रहेकाले यसको अध्ययन अनुसन्धानमा ध्यान दिनुपर्नेमा उनले जोड दिए । प्राचीनकालमा वानर, दानव सबैले संस्कृतमा बोल्ने गरेको उल्लेख गर्नुहुँदै न्यौपानेले निरन्तर अभ्यास गर्नेका लागि संस्कृत सरल र सहज भाषा भएको जानकारी गराए । 

विभागका संस्कृत प्राध्यापक एवं कार्यक्रम संयोजक डा सुबोध शुक्लाले जापान, भारतलगायत विदेशी विद्यार्थीसमेत पद्मकन्या क्याम्पसमा आएर पढिरहेको बताउँदै नेपालीको आकर्षणका रूपमा संस्कृत भाषा अघि जाने विश्वास व्यक्त गरे । 

विभागीय प्रमुख ज्ञाननिष्ठ ज्ञवालीले संस्कृत भाषा सबैका लागि भएको बताउँदै कुनै जाति विशेषका लागि मात्र नभएको सुनाए । विवेकानन्द सांस्कृतिक केन्द्रका निर्देशक डा आशावरी वापटले विश्व संस्कृत दिवसका कार्यक्रमले विश्वमै यसको महत्व स्थापित गर्न महत्वपूर्ण भूमिका खेल्ने बताए । रासस

बिजुक्छे पत्नीसहित हजारौँका घरबाट गाईजात्रा प्रदर्शन, घिन्ताङ घिसि नाचको रौनक, व्यङ्ग्य प्रदर्शन

इकागज | साउन २७, २०७९

भक्तपुर  - कोरोना भाइरसको सङ्क्रमणका कारण विगत दुई वर्ष औपचारिकतामा मात्रै सीमित गरिएको गाईज...

मनाइयो अक्षय तृतीया

इकागज | बैशाख २०, २०७९

काठमाडौँ - वैशाख शुक्ल तृतीयाका दिन आज दान, होम, जप, तप गरी अक्षय तृतीया पर्व मनाइएको छ ।आजका दिन गर...