विश्वकप १९७० : कार्ड, राजनीतिक अस्थिरता र स्थान सुरक्षित
काठमाडौँ- सन् १९७० को फिफा विश्वकप मेक्सिकोमा आयोजना भयो । जुन उत्तर अमेरिकाका लागि पहिलो अवसर थियो । मेक्सिकोमा भएको विश्वकपमा पहिलो पटक ६ वटै महादेशका टिमको सहभागिता समेत भएको थियो ।
फिफाले अफ्रिका र एसिया महादेशका लागि स्थान सुरक्षित गर्दा इएल साल्भाडोर, इजरायल र मोरक्को विश्वकपका लागि पहिलो पटक छनोट भए । राजनीतिक अस्थिरता रोक्न मोरक्को र इजरायलाई छुट्टाछुट्टै समूहमा विभाजन गरिएको थियो ।
पहेँलो र रातो कार्डको नियम भित्र्याइयो भने टिमले पहिलो पटक खेलाडी परिवर्तन गर्न पाउने नियम पनि आयो । तर दुई खेलाडीमात्र परिवर्तन गर्ने नियम रहेको थियो ।
त्यसैगरी, एडिडासले बनाएको टेलस्टार नामक बल पहिलो पटक विश्वकपका लागि आधिकारीक बल बन्यो । विश्वकप मेक्सिकोको विभिन्न पाँच सहरमा आयोजन भएको थियो भने १ लाख दर्शक क्षमताको मेक्सिको सिटीको अजेका स्टेडियममा फाइनल भयो ।
सन् १९७० को विश्वकप जित्दा ब्राजिलले खेलेको ६ खेलमै अपराजित रह्यो भने उसले १९ गोल समेत गर्‍यो । उक्त विश्वकप ब्राजिलियन स्टार पेलेका लागि अन्तिम विश्वकप थियो । फाइनलमा इटालीलाई ४-१ ले पराजित गर्दा पेलेले पहिलो गोल गरेका थिए ।
तीन पटक विश्वकप जितेपछि ब्राजिलले जुलेस रिमेट ट्रफी आफैसँग राख्न पायो । सन् १९७४ का लागि नयाँ ट्रफी सार्वजनिक गरियो ।
अर्कोतर्फ सन् १९७० को विश्वकप पहिलो पटक रंगिन दृष्यमा प्रशारण भएको थियो । त्यसैगरी, प्रत्येक खेलमा कम्तिमा ५० हजार दर्शक रहेका थिए ।
तर युरोपको ‘प्राइम टाइम’मा विश्वकपका खेल प्रशारण गर्ने उदेश्यले गर्मी मौसममा पनि दिउँसोतिर खेल खेलाइएको थियो । (अलजजिरा)
