कृषि

भोजपुरमा १० प्रतिशत रोपाइँ  बाँकी

इकागज |
साउन २१, २०७९ १३:९ बजे

भोजपुर- भोजपुरमा यस वर्ष ९० प्रतिशत धान रोपाइँ सकिएको छ । गत वर्ष यही समयमा ८९ प्रतिशत रोपाइँ भएको थियो । यस वर्ष समयमै वर्षा भएका कारण धान रोपाइँमा समयमै रोपाइँ भएको र हालसम्म जिल्लाभर ९० प्रतिशत रोपाइँ सकिएको कृषि ज्ञान केन्द्रका सूचना अधिकारी विश्वास अम्गाईंले बताए।

 “भोजपुरमा हालसम्म ९० प्रतिशतको हाराहारीमा रोपाइँ सकिएको छ । दुई बाली लाग्ने क्षेत्रमा अझै पनि रोपाइँ भइरहेको अवस्था छ । समयमा वर्षा भएकाले गत वर्षको तुलनामा अलि बढी क्षेत्रमा रोपाइँ भएको हो ।” उनले भने ।
    
जिल्लाभर १८ हजार ९२ हेक्टरमा धानबाली हुने गरेकामा साउन २० सम्म १६ हजार दुईसय ८२ हेक्टरमा रोपाइँ सकिएको सूचना अधिकारी अम्गाईंले बताए ।जिल्लाको नौवटै स्थानीय तहको तल्लो भेगमा धानबाली हुने गरेको छ । पछिल्लो समय बसाइँसराइका कारण खेत बाँझै राख्ने गरिएको छ ।


समयमै मल नपाउँदा भने समस्या भएको कृषकले गुनासो गरेका छन् । स्थानीय जोखिमका किसान धनबहादुर थापाले मल नपाउँदा समस्या भएको बताए। उनले भने, “सरकारले समयमा मल नदिँदा किसानलाई समस्या भएको छ । किसान युरिया मल बाहिरी बजारबाट प्रति बोरा दुई हजार ४०० मा ल्याउन बाध्य छन् ।



Author

थप समाचार
ad
x