कामना सेवा विकास बैंक र नेशनल पाथ ल्याब एण्ड रिसर्च सेन्टरबीच सम्झौता

काठमाडौँ- कामना सेवा विकास बैंकले बुटवल, रुपन्देहीस्थित नेशनल पाथ ल्याब एण्ड रिसर्च सेन्टरसँग सेवा शुल्क छुटसम्बन्धी सम्झौता गरेको छ ।

यस सम्झौताअन्तर्गत बैंकका कर्मचारी र ग्राहकहरूले ल्याबले प्रदान गर्ने विभिन्न सेवाहरूमा १० प्रतिशतसम्म छुट प्राप्त गर्न सक्नेछन् । उक्त नेशनल पाथ ल्याब एण्ड रिसर्च सेन्टरमा कामना सेवा विकास बैंकका कर्मचारी तथा ग्राहकहरूले आफ्नो बैंकसँगको आबद्धताको प्रमाणको आधारमा यो सुविधा सहजै प्राप्त गर्न सक्ने बैंकले जनाएको छ ।

---

हाल बैंकले आफ्ना १३५ सञ्जालहरू तथा ७७ एटिएम तथा विभिन्न शाखा रहित सेवा केन्द्र मार्फत आफ्नो सेवा सुविधाहरू प्रदान गरिरहेको छ ।