अन्तर्राष्ट्रिय श्रम संगठनलाई सम्मान

काठमाडौंः  नेपाल उद्योग वाणिज्य महासंघले अन्तर्राष्ट्रिय श्रम संगठन (आईएलओ), नेपाललाई सम्मान गरेको छ । महासंघको ५४औं साधारण सभाको अवसरमा आईएलओका राष्ट्रिय निर्देशक रिचर्ड होवर्डलाई प्रधानमन्त्री केपी शर्मा ओलीमार्फत् उक्त सम्मान प्रदान गरिएको आईएलओले जनाएको छ । 

यो सम्मान आईएलओले उद्योग वाणिज्य महासंघमार्फत् नेपालमा निजी क्षेत्रको नेतृत्वमा सामाजिक आर्थिक विकासमा पु¥याएको सहयोगलाई कदर गर्दै उक्त सम्मान दिइएको हो । आईएलओले नेपालमा श्रम बजार सुधार, कार्यस्थलमा सहयोगी वातावरण, सामाजिक संवाद तथा औद्योगिक सम्बन्धम र उद्यमशीलता विकासमा लामो समयदेखि सहयोग गर्दै आएको छ ।

---

उक्त कार्यक्रममा प्रधानमन्त्री केपी शर्मा ओलीले आर्थिक विकासलाई गति दिनुका साथै रोजगारी प्रवद्र्धनमा निजी क्षेत्रको भूमिकाको चर्चा गरेका थिए । उनले निजी क्षेत्र राष्ट्रिय विकासको सच्चा साझेदार भएकाले निजी क्षेत्रको विकास र विस्तारका लागि सरकार उदार भएको बताए । 

आईएलओ नेपाललाई सम्मान प्रदान गर्दै महासंघकी अध्यक्ष भवानी राणाले नेवालको आर्थिक–सामाजिक विकास, दीगो उद्यमशीलता र औद्योगिक सम्बन्ध विकासमा आईएलओको सहयोगको प्रशसंशा गरेकी थिइन् । 

आईएलओका राष्ट्रिय निर्देशक रिचर्ड होवर्डले उक्त सम्मानका लागि महासंघलाई धन्यवाद दिदैं आगामी दिनमा साझेदारी र सहयोग जारी रहने बताए ।