व्यापार समूहले उचाल्यो सेयर बजार, निफ्राको सबैभन्दा ठूलो कारोबार

काठमाडौँः नेपाल स्टक एक्स्चेन्ज (नेप्से) परिसूचक मंगलबार ०.५८ प्रतिशत वा १४.५७ अंकले बढेर २,५२८.९५ अंकमा पुगेको छ । सेयर बजारमा प्रभुत्व भएका बैंकिङ्ग तथा बीमा (जीवन) समूहको परिसूचक घटेको भए पनि ट्रेडिङ समूहको परिसूचक ९.३४ प्रतिशतले बढेको छ । हाइड्रोपावर र होटल्स एण्ड टुरिजम समूहको परिसूचक पनि क्रमशः ५.८४ र ४.९७ प्रतिशतले बढेको छ । 

व्यापार समूहमा साल्ट ट्रेडिङको सेयर मूल्यमा सर्किट ब्रेकर लागेको छ । साल्ट ट्रेडिङको सेयर मूल्य प्रतिकित्ता एक हजार ५० रुपैयाँले बढेर ११ हजार पाँच सय ५० रुपैयाँ पुगेको छ । त्यस्तै, चन्द्रागिरी हिल्सको सेयर मूल्य ९.९८ प्रतिशतले बढेर प्रतिकित्ता १,७१९ रुपैयाँ पुगेको छ ।

---

मंगलबार जलविद्युत् समूहका कम्पनीहरूको सेयर मूल्य पनि उल्लेख्य बढेको छ । रसुवागढी हाइड्रोपावर, कालिका पावर कम्पनी, साञ्जेन जलविद्युत् कम्पनी लिमिटेड, माथिल्लो तामाकोशी र रैराङ जलविद्युत् कम्पनीको सेयर मूल्य पनि ९ प्रतिशत भन्दा धेरै बढेको छ । 

मंगलबार नेप्सेमा नेपाल इन्फ्रास्ट्रक्चर बैंक (निफ्रा)को सबैभन्दा ठूलो कारोबार भएको छ । निफ्राको ५२ करोड ६० लाख रुपैयाँको ९ लाख ७३ हजार नौ सय ८१ कित्ता र माथिल्लो तामाकोसीको ३२ करोड ८१ लाख रुपैयाँको ४ लाख १९ हजार पाँच सय २२ कित्ता सेयर कारोबार भएको छ । 

मंगलबार २०८ कम्पनीका ६१ हजार चार सय २२ करोबारमार्फत् १ करोड दुई लाख ७६ हजार सात सय १० कित्ता सेयर ५ अर्ब १४ करोड १८ लाख ९७ हजार एक सय ६९ रुपैयाँमा कारोबार भएको छ । 

पछिल्लो तीन साताको सेयर बजारको प्रवृत्ति:

मिति	नेप्से इण्डेक्स	कारोबार रकम
फागुन २३ , आइतबार	२४८५.०९	५ अर्ब रुपैयाँ
फागुन २५, मंगलबार	२४६१.८८	४ अर्ब ७५ करोड रुपैयाँ
फागुन २६, बुधबार	२,४५८.४८	४ अर्ब १० करोड रुपैयाँ
चैत १, आइतबार	२४०७.२५	४ अर्ब ९५ करोड रुपैयाँ
चैत २, सोमबार	२३८९.१९	४ अर्ब २४ करोड रुपैयाँ
चैत ३, मंगलबार	२३९१.७४	३ अर्ब ३७ करोड रुपैयाँ
चैत ४, बुधबार	२४३२.१४	३ अर्ब ३७ करोड रुपैयाँ
चैत ५, बिहीबार	२४७५.०९	४ अर्ब ६६ करोड रुपैयाँ
चैत ८, आइतबार	२,५३८.४६	५ अर्ब ९२ करोड रुपैयाँ
चैत ९, सोमबार	२५१४.३९	५ अर्ब ३५ करोड रुपैयाँ
चैत १०, मंगलबार	२५२८.९५	५ अर्ब १४ करोड रुपैयाँ