विराटनगर- नेपाली कांग्रेसको प्रदेश १ अधिवेशनको उद्घाटन भएको छ । पार्टी सभापति शेर बहादुर देउवाले भर्चुअल सम्बोधन गरेर प्रदेश अधिवेशन उद्घाटन गरेका हुन् । 

बिहीबार हुने भनिएको प्रदेश अधिवेशनलाई देउवाले नै सम्बोधन गर्ने कार्यक्रम तय भएको थियो । तर सम्बोधनको बिषयमा ढिलो जानकारी गराएकोले प्राविधिक व्यवस्थापन गर्न नसक्ने भन्दै इतर पक्षका मोरङ सभापति डिगबहादुर लिम्बुले असहयोग गरेका थिए । 

उनले कांग्रेसलाई बलियो बनाउने गरि अधिवेशन सम्पन्न गर्न शुभकामना दिए । पार्टीभित्रको निर्वाचनलाई लोकतान्त्रिक अभ्यासका रुपमा लिन र आगामी स्थानीय, प्रदेश र प्रतिनिधि सभाको निर्वाचनमा केन्द्रीत हुन देउवाले आग्रह गरेका छन् ।

केन्द्रीय प्रतिनिधिका रुपमा खटिएका केन्द्रीय सदस्य कृष्णप्रसाद सिटौलाको अध्यक्षतामा अधिवेशन सुरु भएको छ ।