सुदूरपश्चिम, कर्णाली र गण्डकीमा वर्षा र हिमपातको सम्भावना

काठमाडौँ- आइतबार सुदूरपश्चिम, कर्णाली र गण्डकी प्रदेशको पहाडी भू-भागका केही स्थानमा वर्षा र हिमपातको सम्भावना रहेको छ ।

मौसम पूर्वानुमान महाशाखा, जल तथा मौसम विज्ञान विभागले जनाएअनुसार सुदूरपश्चिम, कर्णाली र गण्डकी प्रदेशको पहाडी भू-भागका केही स्थानमा वर्षा र हिमपातको सम्भावना रहेको हो ।

---

पश्चिमी वायुको आंशिक प्रभावका कारण वर्षा र हिमपातको सम्भावना रहेको हो । बाँकी भू–भागमा मौसम सामान्यतया सफा रहेको छ ।

तर राति देशको पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ ।