हावाहुरीले रुख, बस र पोल ढाल्यो, एकको मृत्यु, केही घाइते
काठमाडौं - शुक्रबार साँझ आएको हावाहुरीले विभिन्न स्थानमा क्षति गरेको छ । घरहरुको छचाना उडाउनुका साथै ररुख, बस तथा विजुलीका पोलहरु ढालेको छ ।
जिल्ला प्रहरी कार्यालय चितवनकाअनुसार भरतपुरमा हावाहुरीले रुख ढाल्दा अटो किचिँदा ६ जना घाइते छन् । एकको मृत्युसमेत भएको छ ।भरतपुर–११ स्थित भोजाडमा रुख ढलेर अटोलाई किच्दा १ जनाको मृत्यु भएको प्रहरीले जनाएको छ ।
घाइते र मृतकको परिचय खुलिनसकेको प्रहरीले जनाएको छ ।
भरतपुर पुलमा रोकिराखेको गाडीसमेत हावाहुरीले ढालेको छ । त्यस्तै पोलहरु ढल्दा नारायणी किनारमा पुगेको छ । अहिले चितवन क्षेत्रमा विद्युत आपूर्ति बन्द भएको छ ।
कैलालीमा गुडिरहेको बसमाथि रुख ढल्दा पाँच यात्रु घाइते भएका छन् । लम्कीचुहा नगरपालिका –८ गप्कामा गुडिरहेको बसमाथि रुख ढल्दा बसमा सवार पाँच जना यात्रु घाइते भएका हुन् ।
हावाहुरीका कारण से १ ख १८०६ नम्बरको बसमा एक्कासी रुख ढलेको हो । रुख ढलेपछि बसमा क्षति पुगेको छ भने घाइते यात्रुहरुको लम्कीस्थित लालरत्न अस्पतालमा उपचार भइरहेको छ । रुख ढलेर विद्युत तारमा पनि क्षति पुगेको छ । सो क्षेत्रमा विद्युत अवरुद्ध भएको छ ।
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया