खाेलामा डुबेर एक जनाकाे मृत्यु

मकवानपुर- बकैयाकाे ल्वाजाेर खाेलामा डुबेर एक जनाकाे मृत्यु भएकाे छ ।

सोमबार दिउँसो बकैया-४ बाममारामा रहेको ल्वाजोर खोलामा नुहाउन गएका तामाखोला बस्ने बिष्णुबहादुर खत्रीको भान्जा भरतपुर-१६ फुर्तिचोक बस्ने कृष्णबहादुर थापाको छोरा १६ वर्षीय सचिन थापाकाे खोलाको डुबेर ज्यान गएको मकवानपुर प्रहरीले जनाएको छ।

---

आज सोमबार दिउँसो १२ बजेर ४५ मिनेटको समयमा थापा ल्वाजोर खोलामा डुबी घाइते भएका थिए । घाइते सचिनकाे प्रहरी चौकी हात्तिसुँडेकाे प्रहरी टोलीले उपचारका लागि प्राथमिक स्वास्थ्य चौकी छतिवन लगेकाे थियो । छतिवनमा उपचार पश्चात् थप उपचारका लागि चुरेहिल अस्पताल ल्याएकामा डाक्टरले दिउँसाे ३ बजेर १० मिनेटमा मृत घोषणा गरेको मकवानपुर प्रहरी प्रवक्ता टेकबहादुर कार्कीले जानकारी दिए ।

थापाको शव अहिले चुरेहिल अस्पतालमै रहेको जनाइएको छ ।