भदौ २ मा 'मेरो भ्वाईस युनिर्भस' र 'मेरो डान्स'को ग्राण्ड फिनाले ​

काठमाडौँ-  नेपालको सवै भन्दा ठूलो धनराशि १ करोड पुरस्कार राखिएको दुई रियालिटी सो मेरो भ्वाइस युनिर्भस र मेरो डान्स युनिर्भसको ग्राण्ड फिनाले आउँदो भदौ २ गते हुने भएको छ । बिहिवार टोखा स्थित सुटिङ स्टूडियोमा आयोजक ईन्ट्रा नेपाल वेलफेयर फाउन्डेशनले  पत्रकार सम्मेलन गर्दै ग्रयान्ड फिनाले ललितपुरको गोदावारी स्थित अन्र्तराष्ट्रिय सम्मेलन केन्द्रमा बेलुकी पाँच बजे देखि गर्न लागेको जानकारी दिएको हो ।

कार्यक्रममा मेरो भ्वाइस युनिर्भस तर्फ छनौट भएका उत्कृष्ट पाँच प्रतियोगिको र डान्स तर्फको उत्कृष्ट ६ प्रतियोगीको परिचय समेत गराइएको थियो ।  
३० एपिसोडसम्म प्रसारण भइसकेको मेरो भ्वाइसको  टप फाइभमा सिक्किमबाट शिशिर ठटाल र प्रितम राई पर्न सफल भएका छन भने दार्जेलिङबाट साइईराज खाती तथा नेपालबाट परेश राई र शरद हुमागाईको अन्तिम प्रतिष्पर्धा रहने छ ।

 त्यसैगरी मेरो डान्स युनिभर्स तर्फ मिङा डि लेप्चा सिक्किम, खुसी कार्की थाइल्याण्ड, देवी गर्वुजा मगर बेल्जियम र नेपालबाट नेशन सुस्लिङ मगर  साजन गुरुङ तथा स्वस्तिक अर्यालबीच अन्तिम प्रतिष्पर्धा रहने छ । यि दुवै रियालिटी सोमा प्रमुख बिजेताले १ करोड पाउँनेछन भने उप– विजेताले ३० लाख र तेश्रो हुनेले २० पुरस्कार पाउनेछन् ।
एलन श्रेष्ठको निर्देशनमा निर्मित यी दुवै कार्यक्रमको प्रसारण ३ महिनासम्म भएको थियो जसमा संसारभर छरिएर रहेका नेपाली र नेपालभाषीको सहभागिता रहयो । ‘हाम्रा रियालिटी सोले विश्वभर रहेका रहेका नेपालीहरुलाई साँस्कृतिक माध्यमबाट एक जुट बनाउँने उदेश्य राखेको छ जसका लागि हामीले एक रुपैयाँ पनि नाफा नराखी यो कार्यक्रम गरेका हौँ त्यसैले आगामी बर्ष हाम्रा कार्यक्रमलाई अझ परिस्कृत गर्दै लाने छौँ  ।’  ईन्ट्रा नेपाल वेलफेयर फाउन्डेशनका अध्यक्ष डिल्ली अधिकारीले पत्रकार सम्मेलनमा भनेका छन् ।

---

 कार्यक्रममा मेरो भ्वाईस तर्फ जज बनेका वरिष्ठ गायक दीप श्रेष्ठले कार्यक्रममा प्रतियोगीले उठाएको साँस्कृतिक पक्ष मात्र नभई कार्यक्रम निकै अब्बल रहेको दाबी गरे । त्यसैगरी डान्स यूनिभर्सको तर्फबाट जज बनेकी अभिनेत्री मिथिला शर्माले प्रतियोगीले नेपाली संस्कृतिलाई राम्रोसँग प्रस्तुत गरेको भन्दै यो मञ्चमा आउँनै नै जीत हो भन्दै प्रतियोगीको तारिफ गरेकी थिइन् ।  

दुई रियालीटि सोको डान्स तर्फ मिथिला बाहेक शंकर विसी, दीलिप रायमाझी, प्रियंका कार्की, केकी अधिकारी र नरमान राई र गेष्ट जजमा ऋचा शर्मा थिइन् भने होस्टमा नरेश भट्टराई र सुनिता गुरुङले लिड गरेका थिए । यसैगरी भ्वाइस तर्फ दीप श्रेष्ठ सहित सुरेश अधिकारी, अञ्जु पन्त, शिव परियार, पुष्पन प्रधान, सुजता बर्मा छन जुन कार्यक्रमलाई रिमा विश्वकर्मा र सन्दीप क्षेत्रीले होस्ट गरेका छन ।