काठमाडौं– झापा जिल्लाको भद्रपुर नगरपालिका १ स्थित बिष्णुबस्ती बगानबाट लागूऔषध तथा ब्राउन सुगरसहित एक पक्राउ परेका छन्। सशस्त्र प्रहरीले बिभिन्न किसिमका लागूऔषध तथा ब्राउन सुगरसहित सोही ठाउँका सन्जिब लिम्बुलाई पक्राउ गरेको छ । 

उनलार्ई सशस्त्र प्रहरी बल नेपाल बोर्डर आउट पोष्ट पृथ्वीनगरबाट खटिएको सशस्त्र प्रहरीले शंका लागि जाँच गर्दा उनको साथमा लुपिजेसिक ४५ वटा, प्रोमेथाजिन ४५ वटा, डाईजेपाम ४५ वटा र ५ मिलिग्राम ब्राउनसुगर फेला पारेको हो ।  पक्राउ परेका लिम्बुलाई बरामद लागूऔषध तथा ब्राउनसुगरसहित आवश्यक कारवाहीको लागि नेपाल प्रहरीलाई बुझाएको छ ।   

यसैगरी पर्सा जिल्लाको बिरगंज महानगरपालिका १६ स्थित सीमा ईलाकाबाट माघ ६ गते सशस्त्र प्रहरीले वीनसिरेक्स ५ बोतलसहित सोही महानगरपालिका १३ रानीघाट बस्ने ३१ बर्षिय राजु साहलाई पक्राउ गरेको छ । 

भारतबाट नेपालतर्फ आउँदै गरेका निज साहलाई सशस्त्र प्रहरी बल नेपाल बोर्डर आउट पोष्ट बिरगंजबाट खटिएको सशस्त्र प्रहरीले शंका लागि जाँच गर्दा उनको साथमा उक्त लागूऔषध फेला पारेपछि पक्राउ गरिएको हो । 

पक्राउ परेका साहलाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाएको छ ।