काठमाडौँ – देशभर वर्षासँगै हिमाली र उच्च पहाडी क्षेत्रमा हिमपात भएको छ । देशैभरी चिसो बढेको छ । मनाङ सदरमुकाम चामेमा पनि हिमपातले सबै कामकाज ठप्प भएको छ । 

जिल्ला स्वास्थ्य कार्यालय मनाङका निमित्त कार्यालय प्रमुख वीरबहादुर श्रेष्ठका अनुसार हिमपातले जनजीवन प्रभावित भएको छ । ‘चामे र आसपासका क्षेत्रमा बाक्लो हिउँ परेको छ,’ उनले भने, ‘चिसोले केही गर्न सक्ने अवस्था छैन । मानिसहरु नजिक नजिकबाहेक टाढाको यात्रा गर्न सक्ने अवस्थामा छैनन् ।’ त्यस क्षेत्रको तामक्रम पनि माइनसमा झरेको छ ।

सबै तस्बिर- वीरबहादुर श्रेष्ठ /मनाङ