बस्तीको बीचमा रहेको कवाडी गोदाम हटाउँदै काठमाडौँ महानगर
फाइल फाेटाे
काठमाडौँ - काठमाडौं महानगरपालिकाले महानगरभित्र रहेका कवाडी गोदाम हटाउने कार्यलाई तीव्रता दिएको छ ।
वस्तीका बीचमा रहेका कवाडी गोदामका कारण जोखिम उत्पन्न भएको भन्दै महानगरले महानगरभित्र रहेका कवाडी गोदाम हटाउने कार्यलाई तीव्रता दिएको हो ।
यसैक्रममा महानगरले बिहीबार वडा न २९ अनामनगरमा रहेको कवाडी स्थानीय जनप्रतिनिधि र महानगर प्रहरी बलद्वारा हटाएको छ । महानगर प्रहरीले डोजर प्रयोग गरेर कवाडी गोदाम भत्काएको हो ।
गोदाम खाली गर्न पटक पटक सूचना दिँदा पनि अटेर गरेकाले डोजर प्रयोग गरेर हटाउनुपरेको महानगर प्रहरीले जनाएको छ । यता कवाडी व्यवसायीले भने तीन दिन अघिमात्रै सूचना आएको र गोदाम हटाउने तयारी गर्दा एक्कासि आएर डोजर लगाएको गुनासो गरेका छन् ।
Author
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया